هل تشعر بالملل؟! 

دائما ما تأتينى رسائل متشابهة بهذا المعنى (أشعر بالملل ..حزن على ما مضى ..خوف مما هو آت …قلة ثقة بالنفس) ولأصحاب هذه المشاعر جميعا رسالتي هذه….

أنت اغلى خلق الله ….نفخ فيك من روحه…أنت غالي عند الله …كرمك وسخر لك الكون …

(فإذا سويته ونفخت فيه من روحى فقعوا له ساجدين) صدق الله العظيم

رسالة الملل والضيق … الوقت غالي … الزمن من أغلى المخلوقات … وقتك هو رصيدك….استفيد منه …..اجعله أهم اصدقائك…..لا تضيعه ولا تستهزئ به..

تأكد أن هناك الكثير من المفاجئات بإنتظارك….تأكد ان هناك الكثير من الأسرار التى لم تكتشفها بعد، وهناك العديد من الألغاز تنتظرك أنت بالذات لتحلها ولن يفعل ذلك غيرك لأن لك بصمتك الخاصة التي يستحيل أن يمتلكها غيرك هكذا خلقك الله!

تدبر … تأمل … إقرأ … تعلم … إسعى كل لحظه لخدمة نفسك أو خدمة من حولك …

سوف تؤجر حتى على الراحة لأن الراحة سوف تعينك … تؤجر حتى على لحظات الهدوء والسكينة والتأمل والتدبر لإنها وقودك لكى تنهض من جديد!

ساعتها سوف تكسر كل الحواجز  والعقبات … الملل والحزن والخوف وثقتك فى نفسك تستردها من جديد.

 فى علاقات بتعمل جواك فوضى مشاعريه وبتخليك عامل زى البيت (المنعكش) غير منظم غير مرتب … ودى من الحاجات اللي بقابلها كتير اثناء الجلسات وبنشتغل على إعادة ترتيب الفوضى وتنظيم الأفكار والمشاعر المتضررة …  

احساس القهر الناتج عن علاقة سامة مجرد ما أنتبه له وأدرك الاثر السئ للعلاقه دى على حياتى يستلزم منى قرار فورى بإنهاء هذه المهزلة!

لكن الحقيقه ان في ناس كتير حاولت تنفذ الكلام ده ولكنه مش سهل ابداً عليها! 

في علاقات مينفعش تقطعها بشكل كلاسيكي تقليدي .. لكن تقدر تقطع أثر الشخص ده على حياتك! 

تقطع تأثيره على مشاعرك، تقطع تأثرك انت بيه، وتاخد قرار انك تحافظ على حدودك وتنفذ ده بمنتهى الهدوء والفطنة! 

في ناس بنقطع علاقتنا بيهم وهما مش عارفين اننا قطعنا علاقتنا بيهم، انك تقطع علاقتك بشخص يعنى مياخدش مساحة كبيرة جواك …. مياخدش من تفكيرك ولا تركيزك ولا مشاعرك … 

الموضوع بيبدأ بقرار … قرار إنى أعرف حدودي كويس وأعرف إزاى أحافظ عليها … ساعتها محدش يقدر يقهرني ولا يضغط عليا أو يسببلى توتر وفوضى ف حياتى.

إعرف حدودك وإلا لا تلومن إلا نفسك.

((ما أصابك من سيئة فمن نفسك)).

دمتم بخير وسعاده

الذكريات المؤلمة

كام مرة حسيت بمشاعر سلبية، ذكريات مؤلمة فاكرها من الماضي، ولكن مقدرتش تبلعها وتهضمها وتتخلص منها! 

مشاعر فضلت تتخزن جواك، في قلبك وعقلك وجسمك وروحك! 
دايما حاسس بأعراضها .. آلام نفسية وجسمانية

كل ما تفتكر الموقف، بتحس بتُقل وكأن في حجر على ظهرك ماشي بيه … أو شايل شيلة تقيله او حمل على كتافك وغيره وغيره ….

 

بس انت عارف ايه الأخطر من ده كله؟ 

انك ممكن ما تكونش فاكر الموقف خالص …

لكن عقلك الباطن دفنه في حته كده بعيده متخيل انه كده بيساعدك! وإن الموضوع انتهى ويالا نبدأ من جديد وننسى اللى فات و منبصش ورانا! 

حيلة كده دفاعية! شبه الحيله اللي بنعملها لما فستان بنحبه وبعدين يبقى مش مناسب لأنه صغر علينا ونزعل لما نشوفه فنخبيه فآخر الدولاب ..قال يعنى المشكله اتحلت كده! 

ده نتيجة اننا مش بنعرف نعيش اللحظه ونستمتع بيها ومش بنقدر نحقق أهدافنا ونتطور، أو نقنع نفسنا أن تحقيقنا لأهدافنا شئ صعب و مرهق جداً و متخيلين ان ده العادى ….

 

بس الحقيقة ان ده مش العادى! 

لما تشيل الحجر من على ظهرك هتقدر تمشي .. ولو ماشي يبقى هتكون خطواتك أسرع …. 

هاتقدر تعيش اللحظه وتستمتع بيها صح ….

غالبا هتقول كلمه بنسمعها وبنضحك جداً … 

 

يااه ده انا مكنتش عايش قبل كده! 

 احساس رائع كده مش كدة؟ 

تقدر تشبهه باللى كان عنده دور انفلونزا ومش بيشم ولا بيستطعم الأكل والشرب، بس خف و رجع من تاني يستطعم ويستمتع بطعم كل حاجة من تاني وحس قوى بنعم ربنا عليه ..

مشاعر إنسانية

الحب هو أرقى المشاعر الإنسانية على الإطلاق …

أن تحب يعني أن تتوحد مع المحبوب 

أن تحب يعنى أن تتمنى له ما تتمناه لنفسك

أن يكون هو أنت وأنت هو (لا يؤمن أحدكم حتى يحب لأخيه ما يحب لنفسه) ..

ولما كان الحب شئ في غاية الرقى
فلا أندهش من كونه يحتل المراكز العليا
في سلم الوعي .

د/ديفيد هاوكينز

بعد أن تتخلص من الكثير من الشوائب العالقة بذاتك …نفسك التي بين جنبيك تستطيع أن يتسع صدرك للحب.

الحب هو الضد للخوف فلا يجتمعان حب وخوف معاً ابدا.

الحب هو الأمان والإطمئنان فى وجود المحبوب

الحب يعنى الثقه واليقين….كلما زادت.. زادت وارتفعت درجة المحبة إلى أسمى وأغلى وأنقى درجاتها لذلك (لا يؤمن أحدكم حتى يكون الله ورسوله أحب إليه مما سواهما).

الحب لا يعني التملك ولا يتنافى مع الحرية وهو ليس بقيد ولا إلتزام هو مشاعر رقيقة شفافة نقية غالية جداً، وحتى تصل إليها تحتاج أن تمر بآلام لتنقية نفسك من الشوائب ويبقى الذهب الذى مهما عرضته على النار فلن يتأثر أما الشوائب فتتأثر وتزول (ويضرب الله الأمثال للناس ….)

ويبقى الحب بلا ألم هو أرقى الدرجات التى يتمنى أن يصل لها البشر.

حب الله الخالص … 

استراحة المقاتل …

هي الهدنة اللي بياخدها وسط معركة قوية

وهى نفسها اللى بنحتاجها من فتره للتانيه لما بنحس ان مشاعرنا استهلكت وبقينا بنتأثر بتصرفات الناس حوالينا! نقد، ضغوط، سوء ظن، سخرية، قلة تقدير، أو قلة اهتمام!! مش لازم يكون حاجه من دول، بس ممكن في لحظة تحس بغربه وانت وسط الناس! يبقي ساعتها انت محتاج إستراحة المقاتل زي الجلسة بين السجدتين كده تعمل فيها ايه؟ تنعزل عن الناس تماما دون أي حرج، بدون استئذان تدخل الكهف الخاص بيك زى اهل الكهف، تدخل الغار زى نبينا الكريم صلى الله عليه وسلم وسيدنا ابراهيم وسيدنا موسي، تدخل المحراب زى سيدنا زكريا والسيدة مريم تصوم عن الكلام توقف الشحن الارضى وتشحن من الله سبحانه وتعالى مباشرة…

رسائل

دائما ما تأتينى رسائل متشابهة بهذا المعنى (أشعر بملل وحزن على ما مضى، أشعر بخوف مما هو آت …قلة ثقة بالنفس)

ولأصحاب هذه المشاعر جميعاً إليكم رسالتي … 

أنت أغلى خلق الله …. نفخ فيك من روحه … أنت غالي عند الله … كرمك و سخر لك الكون … (فإذا سويته ونفخت فيه من روحى فقعوا له ساجدين) صدق الله العظيم

رسالة الملل والضيق … الوقت غالي … الزمن من أغلى المخلوقات … وقتك هو رصيدك … استفيد منه … اجعله أهم اصدقائك … لا تضيعه ولا تستهزئ به!

تأكد أن هناك الكثير من المفاجئات بإنتظارك

تأكد أن هناك الكثير من الأسرار التى لم تكتشفها بعد وهناك العديد من الألغاز تنتظرك أنت بالذات لتحلها

ولن يفعل ذلك غيرك لأن لك بصمتك الخاصة التي يستحيل أن يمتلكها غيرك

هكذا خلقك الله … تدبر … تأمل … إقرأ … تعلم … إسعى

كل لحظه لخدمة نفسك أو خدمة من حولك … تؤجر حتى على الراحة لأن الراحة سوف تعينك .. 

تؤجر حتى على لحظات الهدوء والسكينة والتأمل والتدبر لإنها وقودك لكى تنهض من جديد … 

ساعتها سوف تكسر كل الحواجز والعقبات … الملل والحزن والخوف وثقتك فى نفسك تستردها من جديد!