fbpx
22 Jan 2024

بادر في حجز دورة PEAT & Aspectics - بتاريخ (10-11-24-25) نوفمبر 2023 - عبر منصة زوم

إستراحة المقاتل

استراحة المقاتل …

هي الهدنة اللي بياخدها وسط معركة قوية

وهى نفسها اللى بنحتاجها من فتره للتانيه لما بنحس ان مشاعرنا استهلكت وبقينا بنتأثر بتصرفات الناس حوالينا! نقد، ضغوط، سوء ظن، سخرية، قلة تقدير، أو قلة اهتمام!! مش لازم يكون حاجه من دول، بس ممكن في لحظة تحس بغربه وانت وسط الناس! يبقي ساعتها انت محتاج إستراحة المقاتل زي الجلسة بين السجدتين كده تعمل فيها ايه؟ تنعزل عن الناس تماما دون أي حرج، بدون استئذان تدخل الكهف الخاص بيك زى اهل الكهف، تدخل الغار زى نبينا الكريم صلى الله عليه وسلم وسيدنا ابراهيم وسيدنا موسي، تدخل المحراب زى سيدنا زكريا والسيدة مريم تصوم عن الكلام توقف الشحن الارضى وتشحن من الله سبحانه وتعالى مباشرة…

طبعاً لو قدرت تعمل ده بالظبط يبقي شئ هايل لو كان مش سهل يبقى تتعلم ف الاستراحة دي توقف الأفكااااار تماماً…..تتعلم فن الاستقبال….تستقبل طاقة شفاء …. هدووووء … ثقه … الرسائل الربانية موجوده وبتتبعت طول الوقت … رسائل فيها إجابات عن كل الأسئلة اللي بتدور ف خيالك … فيها معلومات عن كل القرارات اللى انت محتار فيها ومش قادر تاخدها … فيها الحل لكل مشكلة …… طاقة كافية صلي بخشوع تام وحس بكل ركن .. اعمل جلسات تأمل كل يوم من ٢٠-٣٠ دقيقة عيش اللحظة تماماً روح لربنا وأقبل عليه بكل جوارحك ….قول زى سيدنا موسى

 ( وَعَجِلْتُ إِلَيْكَ رَبِّ لِتَرْضَىٰ)

أميرة داوود